Super Liqa klubunun baş məşqçisi koronavirusa yoluxdu

Türkiyənin “Kasımpaşa” klubunun baş məşqçisi Fuat Çapada koronavirus aşkarlanıb.

Komanda.az xəbər verir ki, bu barədə Super Liqa təmsilçisinin rəsmi saytı məlumat yayıb.

Xəbərdə kollektivdən götürülmüş sonuncu COVİD-19 testləri nəticəsində Fuat Çapada koronavirus aşkarlandığı diqqətə çatdırılıb. Baş məşqçi karantinə alınıb və nəzarətə götürülüb.

Qeyd edək ki, Fuat Çapa “Kasımpaşa”ya noyabrın 28-də baş məşqçi təyin olunub. 52 yaşlı mütəxəssis daha öncə “Əskişəhərspor”, “Boluspor”, “Antalyaspor”, “Kayseri Erciyesspor” və “Gənclərbirliyi”nin də baş məşqçisi olub.