“Trabzonspor”da ayrılıq

Türkiyə yığmasının sabiq futbolçusu Olcay Şahan “Trabzonspor”la yollarını ayırıb.

Komanda.az xəbər verir ki, bu barədə təcrübəli yarımmüdafiəçi sosial şəbəkə hesabında məlumat yayıb.

31 yaşlı futbolçu Trabzon təmsilçisinə 2016/17 mövsümünün dövrələrarası fasilə dönəmində qatılmışdı. Olcay, “Trabzonspor” karyerası boyunca 71 oyuna çıxıb, 8 qol vurub, 19 məhsuldar ötürmə ilə yadda qalıb.

“Trabzonspor”dan öncə 5 il “Beşiktaş” forması geyinmiş Olcayın yeni adresinin hansı komanda olacağı hələ bilinmir.