50 illik yubiley üçün xüsusi forma – FOTO

Dortmund “Borussiya”sı doğma stadionu “Siqnal İduna Park”ın 50 illik yubileyinə həsr olunmuş xüsusi forma təqdim edib.

Komanda.az xəbər verir ki, bu barədə “Borussiya”nın rəsmi saytı məlumat yayıb.

“Sadəcə bir parça – çiyinlərinizə oturana və canlı ürək döyüntüsünə çevrilənə qədər. Bu, tarixin tellərini bir araya gətirən, bir söz demədən hekayəni danışan birlik rəmzidir.

Biz onu öz evimizə çevirənə qədər sadəcə bir yerdir. Bu, saysız-hesabsız xatirələr daşıyana qədər sadəcə bir parçadır”, – Almaniya klubunun açıqlamasında deyilir.

“Borussiya” hazırda Almaniya çempionatının turnir cədvəlində dördüncü yerdədir. Komanda 27 oyunda 53 xal toplayıb. Bundesliqada lider “Bayer”dir (73 xal).