“Turan Tovuz”un müdafiəçisi üçün mövsüm bitdi

“Turan Tovuz”un futbolçusu Roderik Miller üçün mövsüm başa çatıb.

Komanda.az xəbər verir ki, buna AFFA İntizam Komitəsinin panamalı müdafiəçini 4 oyunluq cəzalandırması səbəb olub.

32 yaşlı oyunçu “Zirə”yə 1:2 hesabı ilə uduzduqları Premyer Liqanın 33-cü turunun matçında təcavüzkar davranışa görə birbaşa qırmızı vərəqə alaraq meydandan qovulub.

Tovuz təmsilçisi Millerin bu hərəkəti ucbatından 3000 min manat cərimələnib.

“Zirə” isə 700 manat ziyana düşüb. Paytaxt klubunun 5 oyunçusu sözügedən görüşdə sarı vərəqə ilə cəzalandırılıb.