“Zirə”nin legioneri 100-ə çatdı

Azərbaycan Premyer Liqasının 21-ci turunun “Turan Tovuz”la oyunu “Zirə”nin futbolçusu Davit Volkov üçün yubiley xarakteri daşıyıb.

Komanda.az Peşəkar Futbol Liqasına istinadən xəbər verir ki, o, Bakı klubunun heyətində 100-cü çempionat matçını keçirib.

Gürcüstanlı hücumçu bu qarşılaşmalarda 36 qol vurub. Volkov Premyer Liqada “Zirə”nin formasında ilk oyununu 2020-ci il fevralın 1-də “Sabah”a qarşı (2:0) keçirib.

Davit Volkov “Qəbələ” və “Sabah”da da çıxış edib.