“Bayern” “Saarbrücken”ə uduzubsa…” – Müller

“Bayern”in yarımmüdafiəçisi Tomas Müller Almaniya kubokunun 1/16 finalında “Saarbrüken”ə məğlubiyyətdən (1:2) sonra komanda yoldaşlarını tənqid edib.

Komanda.az “Bild”-ə istinadən xəbər verir ki, o, xüsusilə, matçdan sonra əksər futbolçuların azarkeşlərin dəstəyinə hörmət etməməsindən danışıb:

“Biz “Saarbrüken”i mübarizəsinə görə təbrik etməliyik. Əks-hücumlardan əvvəl çoxlu şansları əldən verdik. Onlar xoşbəxt olmalıdırlar, amma “Bayern” “Saarbrücken”ə uduzubsa, bu, bir neçə şeyi səhv etdiyimiz deməkdir.

Azarkeşlərin tənqidini tamamilə başa düşürəm. Söhbət hətta oyundan və ya nəticədən də getmir. Problem budur ki, yalnız üç-dörd futbolçu dəstəyə hörmət etməyi başa düşür. Onlar bu oyun üçün yüzlərlə kilometr yol qət ediblər. Bunun müqabilində oyunu yola vermək düzgün deyil”.