Qvardiola: “Hər zamankindən daha sakitik”

“Mançester Siti”nin baş məşqçisi Pep Qvardiola çempionluq mübarizəsində vəziyyətin gərgin olmasına baxmayaraq, sakit olduğunu bildirib.

Komanda.az xarici KİV-ə istinadən xəbər verir ki, ispaniyalı mütəxəssis turnir cədvəlindəki vəziyyətdən narahat olmadığını deyib:

“Tamamilə yox! Keçən mövsüm daha çox gərgin idim, ciddi təzyiq var idi… İndi isə “Arsenal”a qalib gəlsək də, hər zamankindən daha sakitik”.

“Mançester Siti” son turda evdə “Arsenal”ı 2:1 hesabı ilə məğlub edərək, çempionluq yarışını daha da qızışdırıb.

“Şəhərlilər” hazırda Premyer Liqada 67 xalla turnir cədvəlinin 2-ci pilləsində qərarlaşıb. Lider “Arsenal”ın isə 70 xalı var, ancaq londonlular bir oyun artıq keçirib.