MY türk futbolçu üçün 100 milyon avro ayırmağa hazırdır

“Yuventus”un vingeri Kənan Yıldız karyerasını İngiltərə Premyer Liqasında davam etdirə bilər.

Komanda.az “Teamtalk”-a istinadən xəbər verir ki, 20 yaşlı yarımmüdafiəçi “Mançester Yunayted”in maraq dairəsinə düşüb.

“Qırmızı şeytanlar” türk futbolçunun transferi üçün 100 milyon avro ayırmağa hazırdır.

Kənan Yıldız cari mövsümdə A Seriyasında “Yuventus”un heyətində 14 oyuna çıxıb, 5 qol vurub və 4 məhsuldar ötürmə verib. Onun klubla müqaviləsinin müddəti 2029-cu ilin yayına qədərdir.