“Matçdan sonra Ançelotti bizə yalan danışdığını söylədi” – Kroos

“Real”ın yarımmüdafiəçisi Toni Kroos baş məşqçi Karlo Ançelottinin komandanı necə motivasiya etməyi haqda danışıb.

Komanda.az xarici KİV-ə istinadən xəbər verir ki, o, italiyalı mütəxəssisin komandanı necə aldatmasını şərh edib:

“Malyorka” ilə son oyundan əvvəl Ançelotti bizə dedi: “Qələbə qazansaq, çempion olacağıq.” Matçdan sonra o, bizə yalan danışdığını söylədi: “Mən sizi aldatdım, gələn həftə qalib gəlsək, onda hər şey bitəcək”.

“Real” hazırda İspaniya çempionatının turnir cədvəlində birinci yerdədir. La Liqanın növbəti matçında Ançelottinin yetirmələri “Real Sosyedad”la qarşılaşacaq.