“İnter”də ən çox maaşı o alacaq

“İnter”in hücumçusu Lautaro Martines tezliklə klubu ilə yeni müqavilə imzalayacaq.

Komanda.az “La Gazzetta dello Sport”-a istinadən xəbər verir ki, yeni müqavilənin şərtlərinə əsasən, 26 yaşlı argentinalı vergi ödənişləri nəzərə alınmaqla, ildə 7 milyon avro alacaq. Beləliklə, o, “İnter”in ən çox maaş alan futbolçusu olacaq.

Yeni müqavilə 2028-ci ilə qədər qüvvədə olacaq.

Martines 2018-ci ildən “İnter”də çıxış edir. O, bu mövsüm bütün turnirlərdə 19 oyun keçirib, 15 qol vurub və üç məhsuldar ötürmə edib. Onun “İnter”lə hazırkı müqaviləsi 2026-cı ilə qədərdir.