Premyer Liqa klubunda yeni müqavilə – rəsmi

İngiltərənin “Sauthempton” klubu baş məşqçisi Ralf Hasenhüttlün müqaviləsinin müddətini artırıb.

Komanda.az xəbər verir ki, bu barədə Premyer Liqa təmsilçisinin rəsmi saytı məlumat yayıb. Avstriyalı mütəxəssislə 4 illik yeni sözləşmə imzalanıb.

2018-ci ilin dekabrından “Sauthempton”u çalışdıran Ralfın əvvəlki müqaviləsi 2021-ci ilin yayına qədər idi.

“Sauthempton” Premyer Liqada 14-cü sıradadır.