“Flik bu “Barselona” ilə Çempionlar Liqasını da qazanacaq”

“Bayern”in İdarə Heyətinin rəhbəri Karl-Haynts Rummenigge, komandasının keçmiş baş məşqçisi Hans-Diter Flikin “Barselona”dakı fəaliyyəti barədə danışıb.

Komanda.az “Barca Times”-a istinadən xəbər verir ki, klub rəhbəri, almaniyalı mütəxəssisin uğurlarını yüksək qiymətləndirib:

“Flik heyəti yeniləyə-yeniləyə iki dəfə La Liqanı “Real”ın əlindən aldı. Bu, möhtəşəm nailiyyətdir. Mən proqnozlaşdırıram ki, o, komandada qalsa, bu “Barselona” ilə UEFA Çempionlar Liqasını da qazanacaq”.

Flik 2024-cü ilin yayında Xavi Hernandesi əvəz edərək “Barselona”nın baş məşqçisi olub. Komanda onun rəhbərliyi altında iki dəfə İspaniya çempionu olub, həmçinin, ölkə kubokunu və iki superkuboku qazanıb.