Artetanın oğlu debüt etdi, komandası qələbə qazandı

“Arsenal”ın baş məşqçisi Mikel Artetanın böyük oğlu Qabriel Arteta Bernal “topçular”ın U-18 komandasında debüt edib.

Komanda.az ESPN-ə istinadən xəbər verir ki, 16 yaşlı futbolçu hələ fevralda U-18 komandasının “İpsviç”lə keçirdiyi yoxlama oyunu üçün heyətə daxil edilmişdi. Lakin onun rəsmi debütü dünən baş tutub.

Gənc Arteta U-18-in “Bləkbern”lə matçında 70-ci dəqiqədə meydana daxil olub və komandasının 3:0 hesablı qələbəsinə töhfə verib. O, atasından fərqli olaraq, yarımmüdafiənin mərkəzində yox, cinah hücumçusu (vinger) mövqeyində çıxış edir.

Mikel Arteta isə futbolçu karyerasında “Everton”, PSJ və “Arsenal”da mərkəz yarımmüdafiəçisi kimi oynayıb.