Ançelottini təəccübləndirən 3 futbolçu

“Real”ın baş məşqçisi Karlo Ançelotti bu mövsüm onu ​​ən çox heyran edən komandanın üç oyunçusunun adını çəkib.

Komanda.az klubun mətbuat xidmətinə istinadən xəbər verir ki, italiyalı mütəxəssisin siyahısında ötən yay “kral klubu”na keçən futbolçular yer alıb:

“Bu mövsüm məni hansı futbolçular təəccübləndirdi? Bunlar Brahim Diaz, Fran Qarsiya və Xoseludur”. 

Diaz bundan əvvəlki üç mövsümü “Milan”da icarə əsasında keçirib. Qarsiya 2021-ci ildən “Rayo Valyekano”da icarədə oynayırdı, lakin “Real” onu keçən yay geri alıb. Xoselu 2011/12 mövsümündə “Real”da çıxış edib və 11 ildən sonra komandaya qayıdıb.