“Bu yay böyük transferlər olmayacaq” – “Real”ın prezidenti

Cari mövsümdə İspaniya La Liqasında çempionluğunu rəsmiləşdirən “Real”ın prezidenti Florentino Peres açıqlama verib.

Komanda.az İspaniya mətbuatına istinadən xəbər verir ki, klub rəhbəri, yay transferləri və hücumçu Kərim Benzema barədə danışıb:

“Bu yay böyük transferlər olmayacaq. Vəziyyət həqiqətən çox pisdir. Futbolçudan məvacibdə güzəştə getməsini, daha sonra müqaviləyə imza atmasını istəyə bilmərik. Böyük transferlər hələ ki, gözləyə bilər. Vəziyyət dəyişəndə, “Real” yenə ən yaxşı futbolçuları heyətə cəlb edəcək.

Bu il Benzema “qızıl top”u qazana bilər. Hansısa futbolçunun onun qədər yaxşı ilə keçirdiyini düşünmürəm”.