“Atletik” səfərdən 3 xalla döndü

İspaniya La Liqasında 24-cü tura yekun vurulub.

Komanda.az xəbər verir ki, ilk oyun günündə “Eybar” öz meydanında “Xetafe”ni qəbul edib. Dörd qolun qeydə alındığı matçda qalib müəyyənləşməyib.

Şənbə günü daha dörd görüş baş tutub. “Selta” doğma meydanda “Levante”yə böyük hesabla qalib gəlib. Madrid “Atletiko”su səfərdə “Rayo Valyekano”nu minimal hesabla üstələyib. Lider “Barselona” da “Valyadolid”lə ev oyununda tək qolla qələbə qazanıb. “Real Sosyedad” isə “Leqanes”i darmadağın edib.

Turun maraqla gözlənilən qarşılaşmasında “Vilyarreal” “Sevilya”yla münasibətlərinə aydınlıq gətirib. Qonaqlar bu görüşdə darmadağına üzülüblər. “Real” isə “Jirona”yla üz-üzə gəlib. Madrid klubu da autsayderlər qrupunda qərarlaşan rəqibinə evdə uduzmaqla hər kəsi təəccübləndirib. “Valensiya” – “Espanyol” və “Betis” – “Alaves” matçlarında isə qalib müəyyənləşməyib.

Son gündə “Atletik” səfərdə “Hueska” ilə qarşılaşıb. Bilbao təmsilçisi bu görüşdə minimal hesabla qalib gəlib.

İspaniya La Liqası, 24-cü tur

15 fevral

Eybar – Xetafe 2:2
Qol: Çarles, 67-pen; 80 – Mata, 37. Folkyer, 52.

16 fevral

Selta – Levante 1:4
Qol: Mendes, 88-pen – Morales, 20; 62. Koke, 40. Mayoral, 89.

Rayo Valyekano – Atletiko 0:1
Qol: Qrizman, 74.

Real Sosyedad – Leqanes 3:0
Qol: Oyarzabal, 50; 59. V.Xose, 75.

Barselona – Valyadolid 1:0
Qol: Messi, 43-pen.

17 fevral

Real – Jirona 1:2
Qol: Kazemiro, 25 – Stuani, 65-pen. Portu, 75.

Valensiya – Espanyol 0:0

Vilyarreal – Sevilya 3:0
Qol: A.Qonsales, 20. Ekambi, 45. Pedraza, 86.

Betis – Alaves 1:1
Qol: Lo Çelso, 15 – Maripan, 28.

18 fevral

Hueska – Atletik 0:1
Qol: R.Qarsiya, 19-pen.

Bombardir: Lionel Messi (Barselona) – 21 qol.