“Artıq onun qərarını bilirəm” – Mourinyo

İngiltərənin “Tottenhem” klubunun baş məşqçisi Joze Mourinyo komandadakı gələcəyi müzakirə olunan Kristian Eriksenlə bağlı açıqlama verib.

Komanda.az İngiltərə mətbuatına istinadən xəbər verir ki, portuqaliyalı mütəxəssis, 27 yaşlı yarımmüdafiəçinin artıq qərar verdiyini bildirib:

“Eriksenlə səmimi söhbət etdik. Bir-birimizə inanaraq danışdıq. Artıq onun qərarını bilirəm, amma Eriksenin gələcəyini açıqlayan insan olmaq istəmirəm. Gələcək karyerası ilə bağlı danışmaq onun öz haqqıdır”.

London klubu ilə müqaviləsi cari mövsümün sonunda bitəcək futbolçu, “Real”ın transfer hədəfindədir. Bir müddət əvvəl onun “Tottenhem”in yeni müqavilə təklifini rədd etdiyi haqqında xəbərlər yayılmışdı.