“Bizim üçün mövsümün ən vacib oyunu olacaq” – Benzema

“Real”ın futbolçusu Kərim Benzema La Liqanın 17-ci turunda “Valensiya” ilə heç-heçə etdikləri oyundan sonra (1:1) fikirlərini bildirib.

Komanda.az xarici mətbuata istinadən xəbər verir ki, fransız hücumçu, dekabrın 18-də “Barselona” ilə qarşılaşacaqları oyun haqda da danışıb:

“La Liqanı qazanmaq istəyirik. Bunun üçün komandama əlimdən gəldiyi qədər kömək edəcəm. Mən komandanın üçüncü kapitanıyam və bunu etməliyəm.

“Barselona” ilə səfər matçı çox vacibdir. Hər zaman “Kamp Nou”da oynamaq çətin olur. Bizim üçün mövsümün ən vacib oyunu olacaq. Ümid edirəm ki, qələbə qazanarıq”.

Dekabrın 18-də keçiriləcək “Barselona” – “Real” matçı saat 23:00-da start götürəcək.