Olise ardıcıl ikinci dəfə ilin ən yaxşısı seçildi

Fransa millisinin və “Bayern”in yarımmüdafiəçisi Maykl Olise ardıcıl ikinci mövsüm klubunda ilin ən yaxşı futbolçusu adına layiq görülüb.

Komanda.az xarici KİV-ə istinadən xəbər verir ki, Münhen təmsilçisinin azarkeşlər arasında keçirdiyi səsvermədə 24 yaşlı futbolçu səslərin 51,4 faizini toplayaraq birinci olub.

Komandanın digər hücumçuları – İngiltərə millisinin forvardı Harri Keyn 32 faiz səslə ikinci, kolumbiyalı vinger Luis Dias isə 4 faiz səslə üçüncü yeri tutub.

Olise 2025/2026 mövsümündə “Bayern”in heyətində bütün turnirlər daxil olmaqla 52 oyuna çıxıb, 22 qol vurub və 31 məhsuldar ötürmə verib.

“Transfermarkt” portalına görə, fransalı futbolçunun bazar dəyəri 150 milyon avrodur.