“Barselona” böyük uğurlar qazanmağa qadir komandadır”

“Barselona”nın yarımmüdafiəçisi Dani Olmo komanda yoldaşları və klubdakı ab-hava barədə açıqlama verib.

Komanda.az xarici KİV-ə istinadən xəbər verir ki, ispaniyalı futbolçu bunu söyləyib:

“Çoxumuz klubun akademiyasından keçmişik. Hazırda çox yaxşı komandamız var. Lamin Yamal, Pedri, Ferran Torres, Qavi kimi oyunçularla oynayıram… Biz dostlaşmışıq. Bu, böyük uğurlar qazanmağa qadir bir komandadır”.

“Barselona” 2025/26 mövsümündə İspaniya La Liqasının qalibi olub.

Olmonun Kataloniya klubu ilə müqaviləsinin müddəti 2030-cu ilin iyun ayının sonuna qədər qüvvədədir.