“Barselona” oyunçu alırsa, mütləq top səviyyəli olmalıdır”

“Barselona”nın yarımmüdafiəçisi Frenki de Yonq klubun yay transfer planları ilə bağlı fikirlərini bölüşüb.

Komanda.az “The Touchline”-a istinadən xəbər verir ki, niderlandlı futbolçu, “Barselona”ya transfer olunacaq oyunçuların mütləq yüksək səviyyəli olmalı olduqlarını bildirib:

“Barselona” oyunçu alırsa, o mütləq top səviyyəli olmalıdır. Düzünü desəm, mən dörd orta səviyyəli futbolçudansa, bir yüksək səviyyəli oyunçunun gəlməsini üstün tuturam”.

De Yonq cari mövsümdə 37 oyuna çıxıb, 1 qol vurub və 8 məhsuldar ötürmə verib.

Kataloniya klubu yay transfer dövründə həm hücumçu, həm də mərkəz müdafiəçisi almağı planlaşdırır.

“Barselona” bu mövsüm artıq La Liqanı qazanaraq, ardıcıl ikinci dəfə çempionluğa nail olub.