Yamal “Barselona” ilə yeni müqavilə bağlayacaq

Lamin Yamal yayda “Barselona” ilə yeni müqavilə bağlaya bilər.

Komanda.az xəbər verir ki, bu barədə “El Chiringuito” nəşri məlumat yayıb.

İspaniyalı forvard 18 yaşı tamam olanda hazırkı klubu ilə müqavilə imzalayacaq. Yeni anlaşmanın şərtlərinə görə, o, Kataloniya klubunda 7-8 milyon avro maaş alacaq. Onun “Barselona” ilə hazırkı müqaviləsi 2026-cı ilin yayında başa çatır.

Yamal İspaniya çempionatının cari mövsümündə 18 oyun keçirib, 5 qol vurub və 10 məhsuldar ötürmə edib.