“Qarabağ” Cəfərquliyev üçün Macarıstan klubundan təklif alıb? – Açıqlama

Elvin Cəfərquliyev üçün “Qarabağ”a Macarıstanın “Ferentsvaroş” klubundan təklif gəldiyi haqda məlumatlar yayılıb.

Bununla bağlı Ağdam təmsilçisinin mətbuat xidmətinin rəhbəri Anar Hacıyevlə əlaqə saxladıq. Klub rəsmisi Komanda.az-a açıqlamasında Cəfərquliyev üçün hansısa rəsmi təklifin gəlmədiyini bildirdi:

“Macarlardan bizə hansısa rəsmi təklif gəlməyib”.

24 yaşlı müdafiəçi 2018-ci ildən “Qarabağ”da çıxış edir.

“Ferentsvaroş”da “köhlən atlar”ın sabiq futbolçusu Kadi Borges də forma geyinir.

Fəxri Rüstəmli