Messi karyerası ilə bağlı qərar verib

“İnter Mayami”nin hücumçusu Lionel Messi Amerika klubunda oynamağa davam etmək niyyətindədir.

Komanda.az “Talksport”-a istinadən xəbər verir ki, argentinalı hücumçu Florida klubu ilə müqaviləsini tam yerinə yetirməyə hazırlaşır. Tərəflər arasındakı hazırkı razılaşma gələn ilin sonunda başa çatacaq.

Messi 2026-cı il dünya çempionatı öncəsi oyun praktikası qazanmaq üçün əməkdaşlığın həmin ilə qədər uzadılması variantını nəzərdən keçirməyə hazırdır.

37 yaşlı forvard ötən yay “İnter Mayami”nin sıralarına qoşulub, 39 oyun keçirib, 34 qol vurub və 19 məhsuldar ötürmə edib.