“Mançester Siti” ilə oynayanda problem yaşamağa hazır olmalısan” – “Tottenhem”in baş məşqçisi

“Tottenhem”in baş məşqçisi Angelos Postekoqlu İngiltərə Liqa kubokunda “Mançester Siti” ilə oyun haqda danışıb.

Komanda.az xarici KİV-ə istinadən xəbər verir ki, avstraliyalı çalışdırıcı əhəmiyyətli qələbə qazandıqlarını bildirib:

“Əhəmiyyətli qələbə oldu. Aydındır ki, kubok turnirlərində qələbəsiz keçə bilməzsiz, əks halda yarışdan kənarda qalacaqsız. Baxın, biz həmişə sizin həyatınızı çətinləşdirməyə çalışacaq inanılmaz bir komanda ilə oynadıq. Düşünürəm ki, müdafiədə yaxşı idik, rəqibə çox imkan vermədik.

Hücumda həqiqətən gözəl şanslar yaratdıq, oyunu kifayət qədər erkən bitirmək şanslarımız oldu, lakin onlardan yararlana bilmədik. Amma “Mançester Siti” ilə oynayanda problem yaşamağa hazır olmalısan. Düşünürəm ki, biz bu problemlərlə məşğul olduq”.

“Tottenhem” “şəhərlilər”i 2:1 hesabı ilə məğlub edib.