MY yeni baş məşqçi üçün nə qədər təzminat ödəyəcək?

Portuqaliyalı mütəxəssis Ruben Amorim Lissabon “Sportinq”indən ayrılaraq “Mançester Yunayted”ə keçməyə yaxındır.

Komanda.az xəbər verir ki, bu bu barədə “RTP Notícias” nəşri məlumat yayıb.

“Qırmızı şeytanlar”ın rəhbərliyi məşqçinin keçidi üçün təxminən 11 milyon avro təzminat ödəyəcək. Amorimin noyabrın ilk yarısından “Mançester Yunayted”ə başçılıq edəcəyi daha əvvəl bildirilirdi.

“Qırmızı şeytanlar” bu həftənin əvvəlində niderlandlı mütəxəssis Erik ten Haqın baş məşqçi postundan istefa verdiyini açıqlamışdı. Hazırda “Mançester Yunayted”in müvəqqəti baş məşqçisi Rud van Nistelroydur.