“İlk oyunda olduğundan daha yaxşı çıxış etməliyik” – Emin Mahmudov

“Neftçi”nin futbolçusu Emin Mahmudov Avropa Liqasının 2-ci təsnifat mərhələsinin “Arsenal”la (Rusiya) cavab oyunundan əvvəl açıqlama verib.

Komanda.az xəbər verir ki, Rusiyanın “İzvestiya” nəşrinə danışan Mahmudov, matçla bağlı bunları deyib:

“Favorit sayılmamağımız ilk oyunda bizə ziyan vurmadı. Bacarığımıza bələdik və nəyə qadir olduğumuzu bilirdik. Cavab oyununda mümkün qədər 90 dəqiqə ərzində diqqətli olmalıyıq. “Arsenal”ın hər an bizə qol vura biləcək bir komanda olduğunu bilirik. Bu səbəbdən, ilk oyunda olduğundan daha yaxşı çıxış etməliyik.

“Neftçi” Rusiya Premyer Liqasında neçənci yeri tutar? İkinci “səkkizlik”də olar, ancaq birinci “səkkizlik” uğrunda mübarizə aparar. Rusiya çempionatının ortabab komandalarından elə də aşağı səviyyədə olmazdıq”.

“Neftçi” – “Arsenal” matçı bu gün, saat 21:00-da start götürəcək. Komandalar arasındakı ilk oyunda “ağ-qaralar” minimal hesablı qələbə qazanıb – 1:0.