“Beşiktaş”da ciddi itki

“Beşiktaş”ın futbolçusu Qabriel Paulista sıradan çıxıb.

Komanda.az xəbər verir ki, bu barədə İstanbul klubunun mətbuat xidməti məlumat yayıb.

33 yaşlı braziliyalı müdafiəçi Super Liqanın 8-ci turunda “Qaziantep”lə görüşdə (1:1) ayaq əzələsindən zədələnib. O, 3 həftə komandaya kömək edə bilməyəcək.

“Beşiktaş” Paulistanı mövsümün əvvəlində “Atletiko”dan transfer edib. Təcrübəli oyunçu “qara qartallar”ın heyətində meydana çıxdığı 12 rəsmi matçda 1 qol vurub.