Fransalı futbolçu “Yuventus”a keçidinin səbəbini açıqlayıb

“Yuventus”un heyətinə cəlb olunan Kefren Türam niyə bu klubu seçdiyini açıqlayıb.

Komanda.az “pianetmailan.it”-ə istinadən xəbər verir ki, fransalı futbolçu İtaliyada oynamaq istədiyini bildirib:

“İtaliyada oynamaq istəyirdim, bu, çox yüksək səviyyəli komandaların iştirak etdiyi taktiki çempionatdır. Uyğunlaşmalıyam. 17 yaşım olanda “Yuventus” artıq mənimlə maraqlandığını bildirmişdi və mən də bu klub haqda düşünməyə başladım”.

İtaliya A Seriyasında yeni mövsüm avqustun 17-də başlayacaq.