“Barselona” zədəli futbolçularından 3,2 milyon avro qazanacaq

“Barselona” UEFA-nın klubların müdafiəsi proqramından yararlanmağa hazırlaşır.

Komanda.az “Marca”-ya istinadən xəbər verir ki, bu proqram sayəsində milli komanda turnirlərində futbolçularının zədələrinə görə pul kompensasiyası almaq mümkündür.

“Barselona” Ronald Arauxo və Pedri üçün yaxşı təzminat ala bilər. Müdafiəçi Arauxo və yarımmüdafiəçi Pedri müvafiq olaraq Amerika kubokunda və Avropa çempionatında zədələnib. Kompensasiyanın ümumi məbləği 3,2 milyon avro təşkil edəcək.

“Barselona” ötən mövsümü La Liqada 2-ci yerdə başa vurmuşdu. Kataloniya komandasını yeni mövsümdən almaniyalı mütəxəssis Hans-Diter Flik çalışdıracaq.