3,7 milyon avro qazanacaq – İspaniya finalda qələbə qazansa

36 yaşlı irlandiyalı qarışıq döyüş ustası, yüngül çəkidə keçmiş UFC çempionu Konor Makqreqor Avropa çempionatının finalında İspaniya millisi İngiltərə yığmasını 3:1 hesabı ilə məğlub edərsə, 3,7 milyon avro qazana biləcəyini açıqlayıb.

Komanda.az xəbər verir ki, Makqreqor bu barədə iyulun 13-də sosial şəbəkədə yazıb:

“Salam uşaqlar. Sabah (bu gün) İspaniya millisi 3:1 hesabı ilə qalib gələcək. Mən 100.000 avro mərc edirəm ki, bu nəticə mənə 2,6 milyon avro nağd pul qazanmağa imkan verəcək. Üstəlik daha 1,1 milyon avro, cəmi 3,7 milyon avro! Qarşılaşma mənim ad günümdə olacaq! Sabah!”

İyulun 14-də irlandiyalı idmançının doğum günüdür.

Bu gün İngiltərə və İspaniya yığmaları arasında AÇ-2024-ün final oyunu keçiriləcək. Matç saat 23:00-da başlayacaq.