![](https://komanda.az/wp-content/uploads/2024/03/qarabag-juninyo-780x470.jpg)
“Qarabağ” rekordunu təkrarlayıb
“Qarabağ” Azərbaycan Premyer Liqasında rekordunu təkrarlayıb.
Komanda.az Peşəkar Futbol Liqasının rəsmi saytına istinadən xəbər verir ki, Ağdam təmsilçisi buna 34-cü turda “Zirə”ni səfərdə 1:0 hesabı ilə məğlub etməklə nail olub.
“Köhlən atlar” çempionatda 2023/2024 mövsümündə 91-ci qolunu vurub. Ölkə çempionu bununla da tarixinin rekordunu təkrarlayıb.
Ağdamlılar 2022/2023 mövsümündə 91 dəfə fərqləniblər. Həmin göstəricini təkrarlayan “Qarabağ” qarşıdakı iki turda rekordunu yeniləmək imkanına malikdir.
“Köhlən atlar” son iki turda “Turan Tovuz”la evdə, “Araz-Naxçıvan”la səfərdə qarşılaşacaq.
Bizi Telegramda izləyin
Bizi Facebook-da izləyin