“Biz bundan dərs almalıyıq” – Ten Haq

“Mançester Yunayted”in baş məşqçisi Erik ten Haq komandasının İngiltərə çempionatının 31-ci turunun “Çelsi” ilə oyununda (3:4) məğlubiyyətini şərh edib.

Komanda.az BBC-yə istinadən xəbər verir ki, o, komandasının oyunda etdiyi bəzi səhvlərin məğlubiyyət bahasına başa gəldiyini söyləyib:

“Heyrətamiz oyun idi. Bu, fantastik yüksək keyfiyyətli futbol oyunu idi. “Mançester Yunayted” oyunda üstün idi, lakin biz bəzi səhvlərə yol verdik ki, bu da bizə məğlubiyyət bahasına başa gəldi. Biz bundan dərs almalıyıq. Siz “Mançester Yunayted”in futbolçususunuzsa, bu vəziyyətlərdə necə davranacağınızı artıq bilməlisiz. Komandamın oyunu xoşuma gəldi, fantastik idi”.

“Qırmızı şeytanlar” qarşılaşmada 3:2 hesabı ilə öndə olsa da, 90+10 və 90+11-ci dəqiqələrdə qol buraxaraq məğlub olub.