“Şamaxı”nın futbolçusu təcavüzkar davranışa görə cəzalandı

AFFA İntizam Komitəsinin iclası keçirilib.

Komanda.az xəbər verir ki, iclasda 1-ci Liqanın 19-cu turunun oyunları ilə bağlı aşağıdakı qərarlar qəbul olunub:

“Qaradağ Lökbatan” – “İrəvan” oyununda “İrəvan”ın 4 futbolçusu sarı vərəqə aldığına görə “İrəvan” klubu 70 manat cərimə edilib.

“Qaradağ Lökbatan” – “İrəvan” oyununun 35-ci dəqiqəsində “Qaradağ Lökbatan” klubunun azarkeşləri tərəfindən pirotexniki vasitədən istifadə edildiyinə görə “Qaradağ Lökbatan” klubu 150 manat cərimə edilib.

“Qaradağ Lökbatan” – “İrəvan” oyunu bitdikdən sonra meydançaya kənar şəxslər daxil olduğuna görə “Qaradağ Lökbatan” klubu 80 manat cərimə edilib.

“Araz Saatlı” – “Mingəçevir” oyununda “Araz Saatlı” klubunun 4 futbolçusu sarı vərəqə aldığına görə “Araz Saatlı” klubu 70 manat cərimə edilib.

“İmişli” – “Şamaxı” oyununun 71-ci dəqiqəsində “Şamaxı” klubunun 20 nömrəli futbolçusu Əli Mürsəlov təcavüzkar davranışa görə (rəqibi aqressiv şəkildə itələdiyinə görə) birbaşa qırmızı vərəqə aldığı üçün 2 oyun cəzalanıb, “Şamaxı” klubu 150 manat cərimə edilib.

“İmişli” – “Şamaxı” oyununun 81-ci dəqiqəsində “İmişli” klubunun 44 nömrəli futbolçusu Həzrət İsayev ikinci sarıdan qırmızı vərəqə aldığı üçün 1 oyun cəzalanıb, “İmişli” klubu 50 manat cərimə edilib.

“İmişli” – “Şamaxı” oyununun 63 və 80-ci dəqiqələrində “İmişli” klubunun azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə ilk dəfə yaşandığına görə “İmişli” klubuna xəbərdarlıq edilib.