“Beşiktaş” “Barselona”ya təklif göndərib

“Beşiktaş” yarımmüdafiə xəttini yeni futbolçu ilə gücləndirməyi planlaşdırır.

Komanda.az Türkiyə mətbuatına istinadən xəbər verir ki, İstanbul təmsilçisi “Barselona”nın yarımmüdafiəçisi Oriol Romeunun xidmətində maraqlıdır.

“Beşiktaş” 32 yaşlı futbolçu üçün Kataloniya klubuna 2 milyon avroluq təklif göndərib. La Liqa təmsilçisi baş məşqçi Xavinin şans vermədiyi ispan oyunçunu satmağa isti yanaşır.

“Barselona” Oriol Romeonu mövsümün əvvəlində “Jirona”dan transfer edib. Təcrübəli futbolçu komandanın heyətində meydana çıxdığı 21 matçda 1 məhsuldar ötürmə ilə yadda qalıb.