“Barselona”da titullar qazanmaq lazımdır” – Xavi

“Barselona”nın baş məşqçisi Xavi İspaniya kubokunun 1/4 finalında “Atletik”ə məğlubiyyətdən (2:4) sonra klubdakı gələcəyindən danışıb.

Komanda.az xəbər verir ki, ispaniyalı mütəxəssis bu mövsümün sonunda klubdan ayrıla biləcəyini də istisna etməyib:

“Mövsümün sonuna qədər yüksək səviyyədə rəqabət aparmasaq, mən getməli olacam. Harada olduğumu bilirəm, bu, TOP-klubdur. “Barselona”da titullar qazanmaq lazımdır, əks halda təhlükə altında olacaqsız. Əminəm ki, bu komanda böyük potensiala malikdir və ən yaxşı gənc oyunçulardan ibarətdir”.

“Barselona” yanvarın 14-də finalda “Real”a uduzaraq İspaniya superkubokunu da əldən verib. Kataloniya təmsilçisi hazırda La Liqanın turnir cədvəlində 44 xalla 3-cüdür. Komanda lider “Jirona”dan 8 xal geri qalır. 

Xavi 2021-ci ilin noyabr ayından “Barselona”ya rəhbərlik edir. Onun klubla müqaviləsi 2025-ci ilin yayına qədər nəzərdə tutulub.