Laporta: “Ən vacib üç kubok hələ qarşıdadır”

“Barselona”nın prezidenti Xuan Laporta bu gün komanda ilə görüş keçirib.

Komanda.az klubun rəsmi saytına istinadən xəbər verir ki, klub prezidenti komandanın keyfiyyətini və istedadını vurğulayaraq, bu vəziyyəti düzəltmək üçün lazım olan hər şeyə sahib olduqlarını söyləyib. O, baş məşqçi Xavinin mətbuat konfransında qeyd etdiyi kimi, futbolçulara xatırladıb ki, ən vacib üç kubok hələ qarşıdadır: “La Liqa, kral kuboku və Çempionlar Liqası”.

Dörd gün əvvəl İspaniya superkubokunun finalında “Barselona” “Real”a 1:4 hesabı ilə uduzub. Bundan sonra mətbuatda baş məşqçi Xavinin istefaya göndəriləcəyi barədə xəbərlər yayılıb.