“Qarabağ” Portuqaliya klubuna rəqib oldu!

“Qarabağ”ın UEFA Avropa Liqasının pley-off mərhələsindəki rəqibi məlum olub.

Komanda.az xəbər verir ki, İsveçrənin Nyon şəhərində keçirilən püşkatmada Azərbaycan çempionu Portuqaliya klubu “Braqa”ya rəqib olub.

UEFA Çempionlar Liqasında yer aldığı qrupda üçüncü yeri tutan portuqallarla ilk oyun 2024-cü il fevralın 15-də səfərdə keçiriləcək. “Köhlən atlar” fevralın 22-də Bakıda cavab qarşılaşmasına çıxacaq.

“Qarabağ” Avropa Liqasında yer aldığı H qrupunu 10 xalla ikinci pillədə başa vurub.