“Barselona”da davam edib-etməyəcəyimi bilmirəm” – Koutinyo

Amerika kubokunun 2-ci turunun oyunları çərçivəsində Venesuela millisi ilə 0:0 hesablı bərabərliyə razılaşan Braziliya yığmasının futbolçusu Filippe Koutinyo açıqlama verib.

Komanda.az xarici mətbuata istinadən xəbər verir ki, “Barselona”dakı taleyi müzakirə olunan 27 yaşlı futbolçu, gələcəyi ilə bağlı danışıb:

“Barselona”da davam edib-etməyəcəyimi bilmirəm. Bunu heç kim dəqiq bilmir. Hazırda sadəcə Braziliya millisinə köklənmişəm”.

Koutinyonun “Mançester Yunayted” və PSJ-nin maraq dairəsində olduğu bildirilir. Bundan başqa, Paris təmsilçisinə yenidən idman direktoru təyin olunan Leonardonun Koutinyonun transferi üçün çalışdığı və bu barədə klubun prezidenti Nasser Əl-Xələfi ilə danışdığı deyilir.

2018-ci ildə 145 milyon avro müqabilində “Barselona”ya transfer olunan Koutinyo, son mövsümdə iştirak etdiyi 54 oyunda 11 qol vurub, 5 məhsuldar ötürmə edib.