Basketbol: Azərbaycan kubokunda qrupların tərkibi müəyyənləşdi

Basketbol üzrə Azərbaycan kubokunda qrupların tərkibi müəyyənləşib.

Azərbaycan Basketbol Federasiyasından Komanda.az-a verilən məlumata görə, püşkatma mərasimi qurumun inzibati binasında baş tutub.

21-26 mart tarixləri aralığında “Sərhədçi” İdman Mərkəzində keçiriləcək Azərbaycan ubokunda 8 komanda A və B qruplarında mübarizə aparacaq.

A qrupunda “Sabah”, “AAAF Xırdalan”, “Sərhədçi”, “Gəncə”, B qrupunda isə NTD, “Zirvə Astara”, “Neftçi” və “Olimpik Şəki” qüvvələrini sınayacaq.

Basketbol üzrə Azərbaycan kubokunun reqlamentinə əsasən, oyun zamanı meydançada mütləq şəkildə 3 yerli basketbolçu olmalıdır.