Ərəblər “Barselona”nın futbolçusuna da göz dikib

“Barselona”nın futbolçusu Serxio Buskets karyerasını Səudiyyə Ərəbistanında davam etdirə bilər.

Komanda.az “Mundo Deportivo”-ya istinadən xəbər verir ki, “Əl-Nəsr” qış transfer pəncərəsində ispaniyalı yarımmüdafiəçini almaq üçün hərəkətə keçə bilər.

Kataloniya təmsilçisi ilə müqaviləsi 2023-cü ilin yayında başa çatacaq Buskets hələ gələcəyi ilə bağlı qərar verməyib.

Busketsdən başqa, PSJ-nin müdafiəçisi Serxio Ramos, “Çelsi”nin yarımmüdafiəçisi Nqolo Kante və azad agent statusu daşıyan hücumçu Kriştiano Ronaldo da “Əl-Nəsr”in transfer siyahısında yer alıb.