“Şamaxı” formaya görə 3 min manat cərimə olundu

AFFA İntizam Komitəsinin iclası keçirilib.

Komanda.az xəbər verir ki, bu gün keçirilən iclasda aşağıdakı qərarlar qəbul edilib:

Misli Premyer Liqasının 9-cu turunun “Qəbələ” – “Qarabağ” oyununda “Qəbələ” klubunun azarkeşləri tərəfindən meydançaya kənar əşyalar atıldığına görə “Qəbələ” klubu 1600 manat cərimə olunur.

“Qəbələ” klubunun futbolçusu İlkin Qırtımov ciddi qayda pozuntusu etdiyinə görə qırmızı vərəqə alaraq meydançadan kənarlaşdırıldığı üçün 2 oyun cəzalanır, klub 1600 manat cərimə olunur.

9-cu turun “Neftçi” – “Turan Tovuz” oyununda “Neftçi” klubunun azarkeşləri tərəfindən meydançaya kənar əşyalar atıldığına görə “Neftçi” klubu 1600 manat cərimə olunur.

“Turan Tovuz” klubunun 4 futbolçusu sarı vərəqə ilə cəzalandırıldığı üçün klub 800 manat cərimə olunur.

9-cu turun “Zirə” – “Şamaxı” oyununda “Şamaxı” klubunun futbolçusu Rövşən Şahmuradovun formasında adının və ya soyadının yazılmaması səbəbi ilə “Şamaxı” 3000 manat cərimə olunur.

1-ci divizionun 7-ci turunun “Araz Naxçıvan” – “Turan Tovuz-2” oyununa təcili tibbi yardım briqadasının gecikməsi səbəbi ilə “Araz Naxçıvan” klubu 160 manat cərimə olunur.

“Turan Tovuz-2” komandasının 4 futbolçusu sarı vərəqə ilə cəzalandırıldığına görə klub 80 manat cərimə olunur.

“Araz Naxçıvan” klubunun futbolçusu Xəyal Tomarov ikinci sarı vərəqə alaraq meydançadan kənarlaşdırıldığı üçün futbolçu 1 oyun cəzalanır, klub 20 manat cərimə olunur.

7-ci turun “Qaradağ Lökbatan” – “Kəpəz-2“ oyununda “Kəpəz-2” komandasının 4 futbolçusu sarı vərəqə ilə cəzalandırıldığına görə klub 80 manat cərimə olunur.

7-ci turun “Səbail 2” – “Şamaxı 2” oyunu bitdikdən sonra meydana kənar şəxslərin daxil olması səbəbindən “Səbail 2” komandası 160 manat cərimə olunur.

“Səbail 2” komandasının baş məşqçisi Asif Mirili hakimə etiraz etdiyinə görə qırmızı vərəqə alaraq meydançadan kənarlaşdırıldığı üçün 1 oyun cəzalanır, klub 80 manat cərimə olunur.

7-ci turun “Zaqatala” – “Qarabağ-2” oyununda təcili tibbi yardım briqadası oyuna vaxtında gəlmədiyi üçün “Zaqatala” klubu 160 manat cərimə olunur.

7-ci turun MOİK – “Zirə-2” oyununda “Zirə-2” komandası oyun öncəsi elektron protokolu sistemə vaxtında ötürmədiyi üçün 80 manat cərimə olunur.

Bizi Telegramda izləyin