Messi ÇL oyununu buraxacaq

PSJ-nin futbolçusu Lionel Messi Fransada “Benfika”ya qarşı UEFA Çempionlar Liqasının (ÇL) qrup mərhələsinin 4-cü tur oyununu buraxacaq.

Komanda.az xarici KİV-ə istinadən xəbər verir ki, 35 yaşlı hücumçu zədə səbəbindən meydana çıxmayacaq.

“Reyms”lə qolsuz heç-heçə etdikləri Liqa 1-in 10-cu tur matçında iştirak etməyən Messi, Paris təmsilçisinin bugünkü hazırlıq prosesinə də qatılmayıb.

Argentinalı oyunçu daha əvvəl baldır nahiyəsindən zədə alıb.

Oktyabrın 11-də keçiriləcək PSJ – “Benfika” matçı saat 23:00-da başlayacaq.

Bizi Telegramda izləyin