Levandovski “Bayern”in bazasına getdi – Vidalaşmağa

“Bayern”in hücumçusu Robert Levandovski komanda yoldaşları ilə vidalaşmaq üçün Münhen klubunun bazasına gedib.

Komanda.az Almaniya mətbuatına istinadən xəbər verir ki, Levandovskinin yaxın vaxtlarda “Bayern”dən “Barselona”ya keçəcəyi bildirilir. Tərəflər polşalı hücumçunun transferi üçün bütün şərtləri razılaşdırıblar.

Levandovskinin Kataloniya klubu ilə 2025-ci ilə qədər nəzərdə tutulan müqavilə imzalayacağı gözlənilir. Transferin məbləği 50 milyon avro olacaq.

Polşalı hücumçu ötən mövsüm “Bayern”in heyətində bütün turnirlərdə 46 matçda meydana çıxıb, 50 qol vurub və 7 məhsuldar ötürmə edib.