“Barselona”nın Silva üçün nə təklif etdiyi məlum oldu

“Mançester Siti”nin yarımmüdafiəçisi Bernardo Silvanın agenti Jorje Mendeş “Barselona”nın rəhbərliyi ilə futbolçunun Kataloniya klubuna keçidini müzakirə edir.

Komanda.az “Mundo Deportivo”-ya istinadən xəbər verir ki, İspaniya klubu ingilislərin 27 yaşlı yarımmüdafiəçi üçün tələb etdiyi 100 milyon avronu dərhal ödəyə bilmədiyi üçün pulu bir neçə il ərzində ödəməyi təklif edir. Bu halda ilkin ödəniş ən kiçik məbləğ olacaq.

“Barselona”nın Silva ilə müqavilə bağlaması üçün digər şərt isə niderlandlı yarımmüdafiəçi Frenki de Yonqun məcburi satışı olacaq.

Bernardo Silva ötən mövsüm “Mançester Siti”nin heyətində 50 oyunda 13 qol vurub və 7 məhsuldar ötürmə verib. Onun İngiltərə klubu ilə müqaviləsi 2025-ci ilin iyun ayına qədərdir.

Bizi Telegramda izləyin