De Xeaya dəstək: “Hər futbolçu səhv edə bilər”

İngiltərə Premyer Liqasının son turunda “Çelsi” ilə 1:1 hesablı bərabərliyə razılaşan “Mançester Yunayted”in futbolçusu Xuan Mata buraxılan qolda ciddi səhvi olan qapıçı David De Xeaya dəstək olub.

Komanda.az İngiltərə mətbuatına istinadən xəbər verir ki, qolkiperə dəstək olan 31 yaşlı futbolçu, bunları deyib:

“Davidin səviyyəsini inkar edə bilmərik. O, bu klub üçün inanılmaz işlər görüb. Son illərdə komandamızın ən yaxşı futbolçusu odur. Onun bizim xal qazanmağımızda böyük rolu olub. Hazırda o, təəssüflənir, amma dünyanın ən yaxşılarından biri olduğunu da bilir. Hər futbolçu səhv edə bilər. Bundan sonrakı oyunlarda bizi qollardan qurtaracağına inanıram. Komandamız ona inanır”.