“İngiltərənin ən yaxşı komandasına qarşı oynadıq” – Sulşer

“Mançester Yunayted”in baş məşqçisi Ole-Qunnar Sulşer İngiltərə Premyer Liqasında “Mançester Siti”yə 0:2 hesabı ilə məğlub olduqları matçdan sonra açıqlama verib.

Komanda.az İngiltərə mətbuatına istinadən xəbər verir ki, 46 yaşlı mütəxəssis, rəqibin qələbəyə layiq olduğunu deyib:

“İlk hissədə yaxşı oyun göstərsək də, bu, kifayət etmədi. Güclü rəqibə məğlub olduğumuzu bilməliyik. İngiltərənin ən yaxşı komandasına qarşı oynadıq. Pep Qvardiolanın və futbolçularının etdikləri inanılmazdır.  “Mançester Siti” ilə aramızda səviyyə fərqi var. Bunu qəbul etməli, bu fərqi aradan qaldırmalı və problemlərimizin öhdəsindən gəlməliyik.

Hazırda ilk dördlüyə olan iddialarımız davam edir. “Çelsi”yə qarşı yaxşı oyun göstərməli və qalib gəlməliyik”.