Konfrans Liqası: 1/4 finalın bütün iştirakçıları bəlli oldu

Bu gün UEFA Konfrans Liqasında 1/8 final mərhələsinin cavab oyunları keçirilib.

Komanda.az xəbər verir ki, mərhələnin ən maraqlı görüşlərindən biri Fransada olub. Burada cari mövsümdə müxtəlif mərhələlərdə “Qarabağ”ın rəqibi olmuş iki komanda – “Marsel” və “Bazel” üz-üzə gəlib. İlk matçda Fransa klubu 2:1 hesablı qalibiyyət əldə etmişdi. Cavab görüşündən də oxşar nəticə ilə ayrılan fransızlar növbəti mərhələyə adlayıblar.

Joze Mourinyonun “Roma”sı ilk oyunda minimal hesabla məğlub etdiyi “Vitess”i bu dəfə evdə sınağa çəkib. Cavab görüşü bərabərliklə bitdiyi üçün “canavarlar” mərhələ adlayan tərəf olub.

Mövsümün sürpriz komandalarından sayılan “Bude Qlimt”in avrokubok macərası davam edir. İlk oyunda “Alkmaar”ı 2:1 üstələyən Norveç klubu cavab görüşündə də heç-heçəyə nail olmaqla növbəti mərhələyə çıxıb.

İlk oyunda hərəyə 4 top vuran “Kopenhagen”lə PSV-nin cavab qarşılaşması da maraqla gözlənilirdi. Maraqlıdır ki, bu dəfə yalnız PSV 4 qol vura bilib və darmadağınla mərhələ adlayıb.

UEFA Konfrans Liqası, 1/8 final, cavab oyunları

17 mart

Alkmaar (Niderland) – Bude Qlimt (Norveç) 2:2
Qol: Pavlidis, 18; 30 – Pelleqrino, 26. Sampsted, 105+1.
Baş hakim: İvan Krujlyak (Slovakiya)
İlk oyun – 1:2

Kopenhagen (Danimarka) – PSV (Niderland) 0:4
Qol: Zahavi, 10; 79. Getse, 38. Madueke, 90+1.
Baş hakim: Uilyam Kallum (Şotlandiya)
İlk oyun – 4:4

Renn (Fransa) – Lester (İngiltərə) 2:1
Qol: Buriqe, 8. Tait, 76 – Fofana, 51.
Baş hakim: Tasos Sidiropulos (Yunanıstan)
İlk oyun – 0:2

Bazel (İsveçrə) – Marsel (Fransa) 1:2
Qol: Ndoye, 63 – C.Ündər, 74. Ronjye, 90+3.
Baş hakim: Artur Dias (Portuqaliya)
İlk oyun – 1:2

Gent (Belçika) – PAOK (Yunanıstan) 1:2
Qol: Depoytre, 40 – Krespo, 20. Auqusto, 77.
Baş hakim: Daniel Sibert (Almaniya)
İlk oyun – 0:1

Roma (İtaliya) – Vitess (Niderland) 1:1
Qol: Abraham, 90+1 – Vittek, 62.
Baş hakim: Radu Petresku (Rumıniya)
İlk oyun – 1:0

Feyenoord (Niderland) – Partizan (Serbiya) 3:1
Qol: Dessers, 45. Nelson, 59. Linssen, 90 – R.Qomes, 61.
Baş hakim: Entoni Teylor (İngiltərə)
İlk oyun – 5:2

LASK (Avstriya) – Slaviya (Praqa, Çexiya) 4:3
Qol: Vayzinger, 36; 76. Qruber, 88. Şmidt, 89 – Olayinka, 24. Bah, 37. Sor, 62.
Baş hakim: Laurense Visser (Belçika)
İlk oyun – 1:4