Haland “Borussiya”nın tarixinə düşdü

“Borussiya” (Dortmund) Almaniya Bundesliqasının 16-cı turunda “Qroyter”i məğlub edib – 3:0.

Komanda.az “Opta”ya istinadən xəbər verir ki, sözügedən matçda dubl edən hücumçu Erlinq Haland klubun tarixinə düşüb.

Norveçli hücumçu Dortmund təmsilçisində 2021-ci ildə 29-30-cu qollarını vurub. Haland bir il ərzində “Borussiya”da ən çox qol vuran futbolçu olub.

Haland bu mövsüm Bundesliqada 9 oyunda 13 qol vurub.