Çempionlar Liqasında həftənin ən yaxşı futbolçusu bəlli oldu

Futbol üzrə UEFA Çempionlar Liqasında həftənin ən yaxşı oyunçusu müəyyənləşib.

Komanda.az xəbər verir ki, bu ada Almaniyanın “Bayern” klubunun hücumçusu Robert Levandovski layiq görülüb.

Qrup mərhələsinin 4-cü turunda Münhen təmsilçisinin “Benfika”nı (Portuqaliya) 5:2 hesabı ilə məğlub etdiyi görüşdə Levandovski het-trikə imza atıb.

Polşalı futbolçudan başqa həftənin ən yaxşı oyunçusu adına Pedro Qonçalves (“Sportinq”), Kristiano Ronaldo (“Mançester Yunayted”) və Paulo Dibala (“Yuventus”) da namizəd idi.